Presidenti francez Emmanuel Macron po kërkon të zëvendësojë presidenten e Komisionit Evropian Ursula von der Leyen dhe aktualisht po diskuton opsionet me liderë të tjerë të BE-së, raportoi Bloomberg të mërkurën, duke cituar burime.
Von der Leyen tani po përgatitet për zgjedhjet duke kërkuar të sigurojë një mandat tjetër pesëvjeçar. Macron, i cili ishte një nga figurat kryesore që ka kritikuar hapur qasjen e Presidentes për drejtimin e Komisionit të BE-së.
Presidenti francez thuhet se po konsideron ish-shefin e Bankës Qendrore Evropiane Mario Draghi si një kandidat të mundshëm.
Burimet në Bruksel, duke përfshirë ato me zyrën e von der Leyen, kanë komentuar se mbetet e paqartë nëse Macron kishte kërkuar vërtet ta largonte atë ose thjesht po ushtronte presion në raport me politikat e saj në të ardhmen.
Macron, së bashku me kancelaren e atëhershme gjermane, Angela Merkel, ishin figurat kryesore në vitin 2019 për zgjedhjet presidenciale të Komisionit të BE.
Von der Leyen është ende një favorite e qartë për zgjedhjet e ardhshme, duke pasur parasysh faktin se ajo është kandidatja kryesore për Partinë Popullore Evropiane (EPP) të qendrës së djathtë, e cila ka më shumë vende në Parlamentin Evropian dhe pritet të përforcojë më tej pozicionet gjatë sondazheve në qershor.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
