Aktivisti Edison Lika e cilësoi komercializim të historisë çdo përpjekje për rikonstruktimin e Burgut të Spaçit. Lika tha se këto monumente duhet të na shërbejnë si mësim për atë çfarë ka ndodhur.
Nëse duam ta rikonstruktojmë do të bëjmë gabim. Ai objekt ka qenë në bërje e sipër. Nëse vendosim ta rikonstuktojmë, si do ta bëjmë. Ideale është që të ruhet siç ishte në ‘91, kur u mbyll. I duhet bërë ndërhyrje në strukturë, që të mos bjerë. Fakti që ballkonit të katit të parë i është hequr hekuri është pjesë e historisë. Edhe ajo flet shumë. Duhen ndërhyrje në strukturë. Ka sa të duash mënyra për ta ruajtur.
Ka një metodë të kësaj qeverie si Bunkarti, Shtëpia me Gjethe, që nuk tregojnë çfarë ka ndodhur por për qëllime komerciale. Por më shumë sesa t’ia shesim këto monumente turistit duhet të na shërbejë si mësim se çfarë ka ndodhur. Para se të flasim për komercializimin e historisë, duhet t’i japim rëndësi anës emocionale.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
