Kryeministri Kosovës, Ramush Haradinaj, gjatë një prononcimi për mediat gjatë kësaj jave tha se Ushtria e Kosovës do të formohet me anë të ligjit e jo me ndryshime kushtetuese, nëse një opsion i tillë vazhdon të kundërshtohet edhe më tej nga Lista Serbe.
Ky lajm nuk u prit mirë nga ambasada e SHBA-së në Kosovë, e cila nëpërmjet një përgjigjeje për lajmi.net, tha se Ushtria e Kosovës duhet të bëhet vetëm me ndryshime kushtetuese.
Megjithëkëtë, tani nga qeveria thotë se janë të vetëdijshëm se krijimi i Ushtrisë së Kosovës do të bëhet me anë të ndryshimeve kushtetuese, e jo me ligj. Kështu është përgjigjur për lajmi.net, shefi i stafit të kryeministrit, Avni Arifi.
Të martën kryeministri Haradinaj në një emision televiziv tha se e ka kthyer prapa projektligjin për ushtrinë, pas mbërritjes në tavolinën e tij.
“E kam kthyer ligjin. Ka qenë në Qeveri. E kam kthyer prapa, se ka nevojë për ndryshime kushtetuese”, ka thënë Haradinaj.
Arsyetimi i kryeministrit që Ushtria të bëhet me anë të ligjit ishte mungesa e dy të tretave të votave në Kuvend të Kosovës, që do pamundësonte ndryshimet kushtetuese, andaj ka kërkuar që projektligji të ndryshohet, në mënyrë që ushtria e Kosovës të bëhet vetëm nëpërmjet ligjit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
