Ruanda nuk garanton numrin e azilkërkuesve që do të marrë nga Britania e Madhe

Ruanda nuk mund të garantojë se sa persona do të marrë nga Britania e Madhe sipas skemës së dëbimit të Rishi Sunak.

Vendi i Afrikës Lindore nuk dha garanci se rreth 52.000 azilkërkues në Mbretërinë e Bashkuar që kanë të drejtë të dërgohen në Kigali do të pranoheshin, por tha se do të ishin “mijëra”.

Zëdhënësja e qeverisë Yolande Makolo, i përshkroi zërat se Ruanda fillimisht do të mirëpriste vetëm 200 emigrantë si një “keqkuptim”.

Ne do të jemi në gjendje të mirëpresim emigrantët që Britania e Madhe dërgon gjatë gjithë jetës së këtij partneriteti.

Ajo që nuk mund t’ju them është se sa mijëra do të marrim në vitin e parë ose në vitin e dytë.

Kjo do të varet nga shumë faktorë që janë duke u përpunuar aktualisht.

Gazetarët kanë vizituar vendin e akomodimit fillestar që ne kemi siguruar që nga fillimi i partneritetit. Ky është Hope Hostel.

Ky objekt i veçantë mund të presë deri në 200 persona.

Ne kemi filluar tashmë diskutimet fillestare me objektet e tjera përreth Kigalit dhe më tej do të forcohen dhe nënshkruhen sapo të dimë se sa emigrantë do të vijnë dhe kur do të vijnë.

Nuk është thënë kurrë që ne mund të marrim vetëm 200 fillimisht, ky është një koncept i gabuar.

Skema e Ruandës përfshin dërgimin e disa azilkërkuesve që mbërrijnë në Mbretërinë e Bashkuar përmes rrugëve të parregullta, përfshirë kalimet me varka të vogla përmes kanalit La Manshe, në vendin e Afrikës Lindore.

Personave të dërguar në Ruandë kërkesat për azil do tiu trajtohen atje dhe nëse janë të suksesshme, do t’u jepet statusi i refugjatit në vend.

Nëse dështojnë, ata mund të kërkojnë azil në një “vend të tretë të sigurt” ose të aplikojnë për t’u vendosur në Ruandë për arsye të tjera.

Makolo u tha kritikëve të skemës që të mos sulmonin Ruandën padrejtësisht duke shtuar:

Të jetosh në Ruandë nuk është dënim. Është një vend i bukur, duke pasur parasysh edhe motin.