Virologu i njohur: Mund të mos ketë nevojë për vaksinë, Covid-19 nuk është Ebola

Sipas virologut të mirënjohur Giulio Tarro, vaksina e koronavirusit mund të mos jetë e nevojshme, pasi terapia antivirale është më e dobishme.

Prej ditësh kemi dëgjuar nga ekspertë të ndryshëm që koronavirusi nuk do të zhduket dhe se do të jetë e nevojshme të prisni sa trupi të krijojë imunitet ose kohën që vaksina të gjendet.

Sidoqoftë, ka nga ata që besojnë se nuk do të jetë e nevojshme të presësh një vaksinë për të luftuar Covid-19 dhe se do të ishte më e dobishme të përqendrohesh në terapi efektive antivirale.

Këtë e ka thënë virologu i mirënjohur Giulio Tarro në një intervistë për Business Insider.

Eksperti shpjegon se vaksina mund të mos jetë e nevojshme, ai gjithashtu thekson se vetëm një nuk mund të mos funksionojë për të gjithë: "Nëse virusi ka variante të ndryshëm, atëherë e njëjta vaksinë nuk mund të ketë të njëjtin efekt".

Tarro beson se mund të jetë më e dobishme të gjesh një terapi efektive antivirale: "Vaksinat nuk janë përgatitur as për Sars-in e parë, as për sindromën e frymëmarrjes në Lindjen e Mesme (MERS), përkundrazi u përdorën antitrupat e personave të shëruar", shpjegon ai duke shtuar: "Kjo kurë mund të jetë gati para verës, më shpejt se vaksina. Shpresoj se shkenca do ta arrijë dhe kam besim se do jemi në gjendje të shkojmë në plazh".

Ai është optimist për betejën me Covid-19.

"Fatmirësisht nuk ka të njëjtën vdekshmëri me Sars apo Mers, që vriste 1 në 3 pacientë. Sot nuk luftojmë kundër ebolës, por armik kemi një sëmundje që nuk është vdekjeprurëse për 96% të të infektuarve".