SPAK ka marrë zyrtarisht të pandehur ish-anëtarin e Komisionit të Prokurimeve Publike, Kreshnik Tërnova, i akuzuar për favorizimin në tenderat e Spitalit Dibër.
MCN TV mëson se ai është marrë i pandehur, nën akuzën e favorizimit në gara dhe ankande publike, si dhe deklarimet e rreme përpara oficerit të Byrosë Kombëtare të Hetimit.
Çështja në fjalë dhe akuzat janë ngritur nga prokurori Elvin Gogaj, nën dyshimin se Tërnova ka pasur njohje me biznesmenin Engjëll Hoxha, i cili është proceduar penalisht dhe ka përfituar nga tenderi.
Por Tërnova e ka mohuar në SPAK, njohjen me biznesmenin, gjë që është hedhur poshtë nga tabulatet telefonike.
Në këtë hetim do të përfshihen edhe veprimet e tre anëtarëve të tjerë që kanë firmosur vendimin, duke bërë që të shpallej fituese kompania e biznesmenit Hoxha, edhe pse ishte skualifikuar më parë.
Prokurimi Publik dhe Vendimi i KPP-së i përkasin vitit 2025, ndërsa në një praktikë rezultojnë këta anëtarë që shpallën fitues kompaninë biznesmenit Engjëll Hoxha.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
