Gjyqtarët në Gjykatën Penale Ndërkombëtare kanë lëshuar urdhër arresti për kryeministrin izraelit Benjamin Netanyahu dhe ish-ministrin e tij të Mbrojtjes, Yoav Gallant.
Urdhër arresti është lëshuar edhe për liderin e Hamasit, Mohammed Deif, për krime të dyshuara lufte dhe krime kundër njerëzimit.
Masa vjen pasi prokurori Karim Khan, njoftoi më 20 maj, se po kërkonte urdhra arresti për krime të dyshuara lidhur me sulmet e 7 tetorit 2023 ndaj Izraelit nga Hamasi dhe reagimin ushtarak izraelit në Gaza.
Gjykatësit gjetën “arsye bindëse” se të tre të akuzuarit mbanin përgjegjësi penale për krime të dyshuara të luftës dhe krime kundër njerëzimit gjatë luftës midis Izraelit dhe Hamasit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
