I dërguari i Shteteve të Bashkuara, Amos Hochstein, ka mbërritur në Bejrut për të diskutuar rreth një armëpushimi mes Hezbollahut dhe Izraelit pak ditë pasi Hesbollahu kishte pranuar në parim projekt marrëveshjen e propozuar nga Washingotni.
Qeveria e Libanit po ashtu edhe Hezbollahu, kanë rënë dakord me SHBA-në për të arritur një armëpushim, marrëveshje e cila iu dorëzua atyre me shkrim javën e kaluar, kurse Izraeli ende nuk ka dhënë ndonjë koment rreth kësaj çështjeje.
Vizita e të dërguarit të SHBA-së në Bejrut është tregues se përpjekjet diplomatike po rezultojnë të suksesshme për t’i dhënë fund konfliktit, i cili shpërtheu në luftë të përgjithshme në fund të shtatorit, kur Izraeli nisi ofensivë të madhe kundër Hezbollahut në Liban, tha për Reuters Ali Hassan Khail, këshilltar i kryetarit të Parlamentit të Libanit.
Hesbollahu, grupi i mbështetur nga Irani dhe që kontrollon Libanin jugor, është shpallur organizatë terroriste nga Shtetet e Bashkuara, ndërsa Bashkimi Evropian e ka vendosur në listën e zezë krahun e tij të armatosur, por jo edhe partinë e tij politike.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
