Dy shqiptarë u arrestuan në territorin grek në rajonin e Gramozit, ku u kapën ndërsa mblidhnin bimë mjekësore. Punonjësit e policisë së Rojës Kufitare të Kosturit kanë vënë në pranga dy shqiptarë të moshës 34 dhe 49 vjeç, të cilët u kapën me një sasi prej 19 kilogramë dhe 800 gramë bimë medicinale.
Javët e fundit, policia kufitare greke i ka shtuar kontrollet në këtë zonë, pas shqetësimit të paraqitur nga autoritetet e mbrojtjes së mjedisit lidhur me një numër të madh shqiptarësh që hyjnë ilegalisht në territorin grek për të mbledhur bimë mjekësore.
Këto bimë, ata i shesin te kompanitë farmaceutike për të përballuar jetesën.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
