Presidenca ka paralajmëruar një konferencë për media pas Kongresit të Partisë Socialiste. Zëdhënësi i Presidencës, Tedi Blushi, përmes një postimi në rrjetet sociale e konsideron PS-në një organizatë kriminale të inceneratorëve.
Blushi thotë se Veliaj po sulmon Presidencën me sulme të denja për një rruga, duke iu referuar deklaratave të kryebashkiakut se "Shqipëria ka nevojë për një president diametralisht i kundërt me Metën, që kalon kohë banaqeve gjysmë i dehur duke i shpallur luftë Amerikës”
DEKLARATA E BLUSHIT
Organizata Kriminale e inceneratorëve përmes një keqbërësi të interesit publik, që përdoret si qen sulmi nga Brigadieri i kësaj organizate sulmoi sot figurën e Presidentit të Republikës me shpifje të denja për një rrugaç.
Të gjithë shqiptarët e ndershëm dhe patriotë i dinë mirë arsyet se përse Organizata Kriminale e inceneratorëve dhe të gjithë kriminalizimit të shtetit e shoqërisë e urren Presidentin Meta si denoncuesin e palëkundur, bazuar mbi fakte publike dhe transparente, jo vetëm të aferës makabre të inceneratorëve, por edhe të shumë koncesioneve të tjera korruptive.
Presidenti i Republikës ndonëse kishte vendosur edhe në respekt të Kongresit të PS të mos bënte asnjë postim apo dalje mediatike, pas shpifjeve të programuara nga organizata e incineratorëve kundër Kreut të Shtetit, në respekt të të gjithë qytetarëve, por edhe të delegatëve të Kongresit të PS sot pasdite do të mbajë një konferencë shtypi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
