Pas më shumë se tre orësh kaos në selinë e Partisë Demokratike, Sali Berisha njoftoi mbylljen e protestës. Ai tha se do të vijohet me forma edhe më të fuqishme se ajo që ndodhi sot.
Ata që gjuajtën anëtarët e PD me karrige dhe me gurë janë kriminelët e Edi Ramës. Këtu nuk ka forcë që na pengon ne. Ka plot variante të tjera që mund të ndjekim, por ne do të rikthejmë lirinë në shtëpinë e lirisë.
Unë jam anëtar i një revolucioni fitimtar dhe të pandalshëm. Dita e sotme provon se ky është një mision pothuajse i shenjtë. Ja ku është demokracia shqiptare. Kjo është fytyra e vërtetë e narkokracisë.
Basha siç e dini është peng i zotit Rama. Ai është i shkarkuar. Do të ketë dhe do të njohë e gjithë Shqipëria protesta. Pluralizmi politik është arritja më e madhe. Ata që duan ta mbajnë peng do të përballen me frymën e një revolucioni që nuk ka të ndalur”
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
