Qeveria firmos marrëveshje për identifikimin e të zhdukurve në komunizëm

Shqipëria ka rënë dakord të punojë me ekspertë ndërkombëtarë në identifikimin e njerëzve që u zhdukën gjatë së kaluarës komuniste të vendit.

Kryeministri Edi Rama u takua të premten me Kathryne Bomberger, drejtoreshë e përgjithshme e Komisionit Ndërkombëtar për Persona të Zhdukur. Komisioni tha në një deklaratë se ata diskutuan krijimin e një programi për të llogaritur ata që u zhdukën.

Numrat zyrtarë të bazuar në dosjet nga sundimi komunist 1945-1991 kanë zbuluar se rreth 6,000 njerëz janë vrarë, 34,000 janë burgosur dhe më shumë se 50,000 janë dërguar në kampet e internimit.

Komisioni thotë se faza fillestare e punës së saj në Shqipëri do të përfshijë përpjekjet për të identifikuar mbetjet nga një varr masiv i zbuluar në verilindje të Tiranës në vitin 2010 dhe nga një vend në Shqipërinë jugore, raporton "Associated Press".

Shqipëria hapi dosjet në vitin 2015 pjesërisht për të ndihmuar në përcaktimin e fatit të të zhdukurve.