Policia e Skraparit ka vënë në pranga një 36-vjeçar me iniciale E. L., pasi ishte shpallur në kërkim për kultivimin e 205 bimëve të dyshuara narkotike, në vitin 2020.
Gjykata e Beratit kishte vendosur për 36-vjeçarin masën e sigurisë “Arrest me burg” për veprën penale “Kultivimi i bimëve narkotike”,
Materialet janë referuar në Prokurorinë pranë Gjykatës së Rrethit Gjyqësor Berat, për veprime të mëtejshme.
Njoftimi i policisë: Skrapar/Vijojnë kontrollet për kapjen e personave në kërkim dhe vënien e tyre përpara përgjegjësisë ligjore.
Finalizohet operacioni policor i koduar “Mollas”.
Kapet dhe vihet në pranga, 36-vjeçari i shpallur në kërkim për kultivimin e 205 bimëve të dyshuara narkotike, në vitin 2020.
Në vijim të punës për kapjen e personave të shpallur në kërkim dhe vënien e tyre përpara përgjegjësisë ligjore, nisur dhe nga informacionet e marra në rrugë operative për vendndodhjen e një shtetasi të shpallur në kërkim, specialistët e Seksionit për Krimet në Komisariatin e Policisë Skrapar, në bashkëpunim me DVP Berat, kanë organizuar operacionin policor të koduar “Mollas”, si rezultat i të cilit, në fshatin Mollas, u kap dhe u ndalua shtetasi në kërkim E. L., 36 vjeç, banues në Çorovodë, Skrapar.
Gjykata e Rrethit Gjyqësor Berat, me vendimin e datës 21.09.2022, i ka caktuar masën e sigurisë “Arrest në burg”, për veprën penale “Kultivimi i bimëve narkotike”, shtetasit E. L., sepse dyshohet të jetë autori i kultivimit të 205 bimëve të dyshuara narkotike cannabis sativa që janë gjetur në muajin shtator 2020, gjatë kontrollit nga shërbimet e Policisë, në fshatin Kala, Skrapar.
Materialet janë referuar në Prokurorinë pranë Gjykatës së Rrethit Gjyqësor Berat, për veprime të mëtejshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
