Presidentit amerikan Donald Trump përmes një postimi në faqen e mediave sociale ‘Truth Social’, shkroi se pengjet e liruar sot “duket se janë në gjendje të mirë!”
“Izraeli tani do të duhet të vendosë se çfarë do të bëjë rreth orës 12:00 të ditës së sotme, afati i vendosur për lirimin e të gjithë pengjeve. Shtetet e Bashkuara do të mbështesin vendimin që ata marrin!”
Afati të cilit Trump i referohet është ai që ai përmendi në fillim të kësaj jave kur këmbënguli se Hamasi duhej të lironte "të gjithë" pengjet deri në mesditë të sotme.
Është e paqartë se cilës zonë kohore i referohet, por Trump më parë tha se mendonte se "i gjithë ferri" mund të shpërthejë nëse nuk respektohej afati i tij.
Ndërkohë Hamasi ka liruar tre pengje izraelitë në këmbim të lirimit të të burgosurve palestinezë, në shkëmbimin e fundit sipas armëpushimit të rënë dakord nga Izraeli dhe grupi militant muajin e kaluar.
Tre pengjet e dorëzuar të shtunën janë amerikano-izraelite Sagui Dekel-Chen, 36 vjeç, argjentinato-izraelite Yair Horn, 46 vjeç dhe ruso-izraelite Alexander Troufanov, 29 vjeç.
Në këmbim, 369 palestinezë të mbajtur në burgjet izraelite u liruan. Deri më tani 19 pengje të mbajtura në Gaza dhe mbi 1000 të burgosur palestinezë janë liruar si pjesë e armëpushimit të Gazës që filloi më 19 janar 2025.
Shumica e të liruarve të shtunën kishin qenë pjesë e krahut ushtarak të Fatahut, fraksionit dominues të Organizatës për Çlirimin Palestinez, dhe kishin marrë pjesë në kryengritje të dhunshme kundër pushtimit izraelit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
