Tërmet 5.2 ballë në Japoni, katër të lënduar

Të paktën katër persona u plagosën në një tërmet të fuqishëm që goditi Japoninë lindore.

Sipas Agjencisë Meteorologjike Japoneze, tërmeti me magnitudë 5.2 ballë të shkallës Rihter ka prekur veçanërisht prefekturën e Chiba dhe Tokio.

Dy gra rreth të 70-tave pësuan lëndime të lehta në prefekturën Chiba. Dy persona të tjerë u lënduan në prefekturën ngjitur Kanagawa, ku një grua ra në shtëpi dhe një burrë u godit në kokë nga një dritë që ra nga një raft ndërsa ai ishte duke fjetur. Ndërkohë nuk ka pasur raportime të menjëhershme për viktima në Tokio.

Shumë ashensorë ndaluan automatikisht si pasojë e dridhjeve. Ashensorët në ndërtesat e godinave të larta u prekën kryesisht, sipas Elevator Systems Co me bazë në Tokio.

Shumica e linjave të trenave funksionuan normalisht që nga shërbimet e tyre të para dhe nuk pati asnjë ndërprerje të madhe për udhëtarët në mëngjes.

Tërmeti filloi në prefekturën jugore Chiba në një thellësi prej rreth 40 kilometrash.

Agjencia fillimisht e raportoi tërmetin me magnitudë prej 5.4, por më vonë e rishikoi atë në 5.2.