Arlind Gjokutaj, sekretari i përgjithshëm i ministrisë së financave dhe ekonomisë, i cili i shkaktoi buxhetit të shtetit një dëm prej 1.2 milionë eurosh është shkarkuar nga detyra në heshtje. Burime për MCN bëjnë me dije se vend të tij është emëruar Mimoza Dhëmbi, e cila mbante postin e drejtoreshës së buxhetit. Vetë ministrja e financave dhe ekonomisë Delina Ibrahimaj ka shmangur çdo dalje publike pas arrestimit të vartësit të saj Arlind Gjokutaj për skandalin korruptiv që ndodhi në institucion që ajo drejton. Gojën mbyllur e ka mbajtur edhe kryeministri për këtë rast, ndërsa përfaqësues të tjerë të qeverisë shprehen te rezervuar kur i pyet. Megjithatë, ministrja e Shtetit për mbrojtjen e sipërmarrjes, Edona Bilali beson se korrupsioni në administratën shtetërore mund të luftohet vetëm nëpërmjet digjitalizimit të shërbimeve çka do të sillte edhe një përmirësim të klimës së biznesit dhe thithjen e investitorëve të huaj.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
