Lehtësimi i masave kufizuese për pandeminë ka rikthyer një problem me të cilin qytetarët e Tiranës përballen prej vitesh: mungesa e tualeteve publike. Urat mbi Lanë kanë rimarrë sërish funksionin e vjetër, atë të një tualeti.
I cilësuar si vandalizëm nga kryebashkiaku Erion Veliaj në fillim të mandatit të parë, urinimi në mjedise publike u ndëshkua fillimisht me gjobë e më pas me publikimin e pamjeve në Youtube. Këtyre masave iu bashkëngjit një numër i kufizuar tualetesh portative, që siç u shfaqën, edhe u zhdukën brenda pak kohësh.
Të dalë nga karantina, qytetarët e Tiranës përballen sërish me të njëjtin problem, kësaj here akoma më të madh, në mungesë të bareve dhe restoranteve, ku zakonisht gjejnë shpëtim. Të shpresojmë që me lehtësimin e masave, të mos vonojë shumë edhe hapja e tyre, përndryshe hapësirat e gjelbra të Bashkisë së Tiranës do të qelben erë!
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
