Sekretari amerikan i Shtetit, Marco Rubio, ka uruar Kosovës me rastin e 17 vjetorit të Pavarësisë.
Ai ka theksuar se Uashingtoni ka mbështetur rrugëtimin e Kosovës drejt një shteti sovran, demokratik e multietnik.
“Në emër të Shteteve të Bashkuara të Amerikës, shpreh urimet e mia teksa shënoni 17-vjetorin e shpalljes së pavarësisë së Kosovës—një rast për të reflektuar mbi qëndresën, vendosmërinë dhe aspiratat e popullit të Kosovës”, thuhet në deklaratën e tij.
“Shtetet e Bashkuara kanë mbështetur me krenari rrugëtimin e Kosovës drejt një shteti sovran, demokratik, multietnik dhe të begatë. Paqja rajonale, siguria dhe zhvillimi ekonomik mbeten thelbësore për mirëqenien e vazhdueshme të Kosovës. Teksa festoni pavarësinë tuaj, ne nderojmë miqësinë dhe vlerat e përbashkëta mes popujve tanë”, vijon deklarata.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
