Kryeministri i ri i Suedisë, Ulf Kristersson, do të takohet me presidentin turk Rexhep Tajip Erdogan të martën në një përpjekje për të marrë miratimin e Ankarasë për ofertën e vendit të tij për t'u anëtarësuar në NATO.
Suedia dhe Finlanda braktisën politikat e tyre të vjetra të mosangazhimit ushtarak dhe aplikuan për anëtarësim në aleancën ushtarake pasi forcat ruse pushtuan Ukrainën në shkurt, nga frika se presidenti rus Vladimir Putin mund t'i shënjestronte vendet e tyre.
Por Turqia, e cila u bashkua me NATO-n në vitin 1952, nuk jep "OK"-in për kandidaturat e tyre, duke akuzuar Suedinë dhe në një shkallë më të vogël Finlandën për injorimin e shqetësimeve të sigurisë së Ankarasë.
Qeveria e Erdoganit po ushtron presion ndaj dy vendeve që të godasin individët që i konsideron terroristë, duke përfshirë mbështetësit e Partisë së Punëtorëve të Kurdistanit dhe njerëzit e dyshuar për orkestrimin e një grushti të dështuar të 2016-ës në Turqi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
