Samira Sabzian, një ish-nuse fëmijë e dënuar me vdekje në Iran për vrasjen e burrit të saj, u var në agimin e kësaj të mërkure.
Lajmi u raportua nga OJQ-ja me bazë në Norvegji, Iran Human Rights.
Gruaja u martua kur ishte 15 vjeç dhe katër vjet më vonë, në vitin 2013, ajo vrau burrin e saj dhe që atëherë mbahej në burg. Gjatë martesës së saj ajo kishte qenë edhe viktimë e dhunës në familje.
Sipas burimeve të Iranit për të Drejtat e Njeriut, Samira u ekzekutua në burgun Qeezel Hesar në Karaj. Ekzekutimi fillimisht ishte planifikuar për të mërkurën më 13 dhjetor, por u shty me një javë edhe në vazhdën e reagimit të shoqërisë civile.
Sipas raportimeve të OJQ-së, gruaja kishte dy fëmijë dhe ishte në burg për rreth 10 vjet, e privuar gjatë gjithë kohës edhe nga mundësia për t’i parë.
“Për herë të parë pas vitesh, ajo takoi fëmijët e saj në një vizitë të fundit para dënimit me vdekje”, lexohet në faqen e internetit të OJQ-së.
Deri më tani këtë vit, 18 gra janë ekzekutuar në Iran, sipas të Drejtave të Njeriut në Iran.
“Për vite të tëra viktimë e aparteidit gjinor, martesave të fëmijëve dhe dhunës në familje, Samira sot ishte viktimë e makinës vrasëse të një regjimi të paaftë dhe të korruptuar, një regjim që e ka mbajtur veten vetëm duke vrarë dhe futur frikë”, shkruan drejtuesi i OJQ-së, Mahmood Amiry-Moghaddam.
Amiry-Moghaddam nënvizoi më tej se një fushatë njëjavore nuk ishte e mjaftueshme për ta shpëtuar.
Ne duhet të luftojmë çdo ditë për të shpëtuar mijëra njerëz të tjerë që rrezikojnë të bëhen viktima të makinës vrasëse për të ruajtur mbijetesën e regjimit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
