Pedagogu Ermir Gjinishi tha në studion e emisionit Zonë e Lirë në MCN Tv se situata mes Libanit dhe Izraelit është shumë e tensionuar dhe se ekziston mundësia që të rindizet konflikti mes dy vendeve.
Jo vetëm dje, por edhe sot Izraeli ende nuk ka tërhequr të gjithë trupat nga jugu i Libanit. Sonte mbaron afati. Izraeli mban zona në jug të Libanit dhe kryeministri i Libanit ka dalë me deklaratë të fortë para pak minutash duke i treguar Izraelit që ne do të përhapim ushtrinë dhe ka filluar të ndërhyjë ushtria në jugun e Libanit. Situata është shumë e tensionuar sepse Libani konsideron që Izraeli ka thyer armëpushimin dhe marrëveshjen e paqes.
Është moment shumë i tensionuar. Ka pasur deklarata dhe nga kancelaritë europiane dhe ato arabe përve dy palëve që janë të përfshira se jemi në një moment që mund të rindizet konflikti.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
