“Në momentin që djali filloi të hedhë hapat e parë, u vu re një dëshirë e tij për të sistemuar sendet e shtëpise dhe për të pasur çdo gjë të pastër.” Këto janë fjalët e një nëne në letrën e postuar në prestigjiozen “The Guardian” ku tregon se si djali i saj i vogël vjen rrotull shtëpisë me duart lidhur prapa duke kontrolluar si të ishte një inspektor higjiene.
“Që kur djali ynë filloi të ecë, shtëpia jonë është gjithmonë e rregullt dhe e pastër, pasi ai nuk mundet të jetoj në parregullsi. Madje sapo shikon gjëra që nuk janë në vendin e duhur bërtet me të madhe “është pis”, tregon mamaja e djalit 2-vjeçarë. Nëse shumë prindër të tjerë ankohen sepse në këtë moshë fëmijët bëjnë shumë rrëmujë, prindërit e vogëlushit në fillim u shqetëuan për këtë dhunti të veçantë që kishte djali i tyre, por me kalimin e kohës kuptuan se ndryshe nga fëmijët e tjerë të së njëjtës moshë ai e shpenzonte energjinë e tij duke sistemuar dhe jo duke shkaktuar rrëmujë.
“Nuk e di se sa kohë do të vazhdojë ky hobi i çuditshëm, por unë po e shfrytëzoj në maksimum. Mundësitë për prindërimin dembel nuk vijnë shumë shpesh. Nuk do ta humb këtë”, shkruan e ëma për rubrikën “Prindër dhe prindërim”, The Guardian.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
