Politologu Ilir Kalemaj foli në MCN Live mbi legalizimin e kanabisit mjekësor, ku qeveria ka hedhur për konsultim draftin me 47 nene.
Kalemaj tha se nga mënyra se si është “qepur kostumi” i atij që do të marrë lejen dhe licencën, duket se është i paracaktuar.
Kalemaj vuri në dukje se mbi Shqipërinë ekziston një markë fatkeqe lidhur me drogërat që duhet të rregullohet.
Në lidhje me legalizimin e marijuanës, ekzistojnë praktika. Janë disa parakushte, rasti i dështuar i Maqedonisë së Veriut. Para disa vitesh, jemi renditur të 7-tët në botë për prodhimin e marijuanës, ndërkohë jemi tranzit për drogërat e forta. Raportet në mënyrë të përsëritur tregojnë që Shqipëria është në hartën e kriminalitetit, pastrimit të parave. Të thuash tani që do legalizojmë me këto kritere është një barcaletë...Mënyra si është qepur, kostumi i atij që do marrë lejen dhe licencën, është e paracaktuar. Duhet të ndajmë Edi Ramën opozitar me atë kryeministër. Ai erdhi me operacione ‘Fund i marrëzisë’, kjo nuk e zhduku bixhozin, por e çoi te grupet kriminale. E njëjta ka ndodhur me amnistinë fiskale. Tani e risjell si propozim për 2 milionë euro, duke bërë shejtan-budallian, pasi s’ka emigrantë shqiptarë t’i sjellë. Për kanabisin ka qenë Kokëdhima që e propozoi, u quajt heretik nga PS-ja. S’kemi parë asnjë studim që ka një rentabilitet ekonomik. Në lidhje me funksionimin e agjencisë, 150 hektarët. Se po lexoja dje një intervistë të Sandër Lleshajt, ai bënte një oponencë të shkëlqyer.
Së pari është një ligj i pakonsultuar. Nuk ka asnjë formë nga pikëpamja metodologjike, pyetësori. Së dyti mungon aspekti i rregullimit ligjor në lidhje me agjencinë zbatuese. Së treti kemi legjitimitetin moral, pasi Shqipëria është vend tranzit për drogërat e forta, vend prodhues i kanabisit. Është një markë fatkeqe për Shqipërinë që duhet të rregullohet sa më parë. Nuk është konsultuar me biznesin, me grupet e interesit, me asnjë ekspert. Amnistia e supozuar fiskale dhe kjo e kanabis sativës janë dy elementë që minimalisht kërkojnë pastrimin e parave të krimit të organizuar”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
