Ministri i Jashtëm rus Sergei Lavrov tha se një sulm kimik i raportuar në Siri u organizua nga agjentë të huaj.
SHBA dhe Franca thonë se ata kanë prova dhe së bashku me Mbretërinë e Bashkuar, po e konsiderojnë hakmarrjen ushtarake.
Sipas BBC, Rusia e cila ka forca ushtarake të vendosura në Siri në mbështetje të qeverisë, ka paralajmëruar se goditjet ajrore të SHBA rrezikojnë të fillojnë një luftë.
Inspektorët e pavarur të armëve kimike pritet të mbërrijnë të shtunën në fushën ku ndodhi edhe sulmi me gaz.
Gjatë një konference shtypi Lavrov tha se ai kishte "prova të pakundërshtueshme" se sulmi ishte organizuar si pjesë e një "fushate rusofobike" të udhëhequr nga një vend, të cilin nuk e kishte emëruar.
Ndërkohë një forcë e madhe veprimi prej 12 anijesh luftarake po lundron në drejtim të Sirisë, një nga përqendrimet më të mëdha të fuqisë detare të SHBA që nga sulmi i Irakut i vitit 2003.
Luftanija bërthamore gjigante, "USS Harry S Truman", që mban 90 aeroplanë është lëvizur nga Evropa drejt Lindjes së Mesme.
Një tjetër, një nga 4 shkatërruesit e fuqishëm besohet të jetë në Mesdhe ose afër tij tashmë, duke përfshirë Donald Cook, Porter, Carney dhe Laboon së bashku me dy nëndetëse bërthamore, "Gjeorgji" dhe "John Warner".
Vendosja e 12 anijeve amerikane në një mision të tillë është përqendrimi më i madh i fuqisë së zjarrit, një nga më të mëdhenjtë kur gjashtë transportuesit e avionëve mbështetën pushtimin e Irakut në 2003.
Kjo situatë vjen pas tensioneve të larta ndërsa Donald Trump vazhdon të marrë në konsideratë nisjen e sulmeve ajrore në Siri pas sulmit me gaz ndaj civilëve në qytetin e Daumas nga qeveria siriane.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
