Senati i SHBA-së ka miratuar afro 40 miliardë dollarë ndihmë për Ukrainën, paketa më e madhe e ndihmës që nga pushtimi i Rusisë.
Paketa përfshin ndihmën ushtarake, ekonomike dhe humanitare dhe u votua me 86 vota pro dhe 11 kundër.
Sekretari i Shtetit Antony Blinken dhe sekretari i Mbrojtjes Lloyd Austin kishin paralajmëruar më parë se fondet e autorizuara për dërgimin e armëve në Ukrainë do të mbaronin sot dhe projektligji ishte vonuar në Senat.
Paketa përfshin:
6 miliardë dollarë për ndihmën e sigurisë, duke përfshirë trajnimin, pajisjet, armët dhe mbështetjen
8.7 miliardë dollarë për të rimbushur stoqet e pajisjeve amerikane të dërguara në Ukrainë
3.9 miliardë dollarë për operacionet e Komandës Evropiane
9 miliardë dollarë për një fond mbështetje ekonomike për Ukrainën.
5 miliardë dollarë për të trajtuar pasigurinë ushqimore globale
Paketa do t’i kalojë Presidentit Biden për t’u nënshkruar.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
