Disney, personazhi i parë biseksual në një serial të animuar

Emri i saj është Luz dhe ajo është një adoleshente që rastësisht takon një shtrigë dhe përpiqet të bëhet edhe vetë një e tillë.

14-vjeçarja Luz, protagoniste e serialit të animuar për fëmijë "The Owl House", është personazhi i parë biseksual që shfaqet në një serial të animuar në Disney.

Këtë e konfirmon krijuesja Dana Terrace, e cila në një seri mesazhesh në Twitter tregoi për dëshirën e saj të fortë për të përfaqësuar një personazh sa më gjithëpërfshirës dhe luftën e saj kundër "një udhëheqjeje të Disney", e cila nuk dëshironte që të tregoheshin marrëdhëniet gay apo biseksuale.

Një betejë që Terrace ka fituar, pasi "The Owl House" përfshin një episode - të gjashtëmbëdhjetë, me titull "Enchanting Grom Fright". Dana Terrace shpjegon në Twitter, qëllimi i saj ishte të jepte hapësirë ​​për personazhet e çuditshëm dhe të përfaqësonte komunitetin LGBTQ, duke qenë vetë biseksuale. Duke kapërcyer rezistencën e një pjese të Disney, Terrace shtoi se ajo tani është "mbështetur plotësisht" nga menaxhimi aktual.

Karakteri i parë homoseksual

Nëse Luz është protagoniste e parë biseksuale, në 2017 Disney guxoi dhe prezantoi personazhin e parë homoseksual: në serialin "Andi Mack" një nga protagonistët deklaroi se ra në dashuri me një djalë tjetër.