Lojtari më i mirë i shahut në botë, Magnus Carlsen mundet nga një 17-vjeçar

Në ditëlindjen e tij të 17-të, Dommaraju Gukesh mundi Magnus Carlsen në ngjarjen blitz përpara turneut Norway Chess.

Më pas, Gukeshit iu dhurua një tortë nga organizatorët si për ditëlindjen ashtu edhe për fitoren.

Në turneun, i cili mbahet në Stavanger, Norvegji, 10 lojtarë garojnë në një turne të vetëm.

Fituesi do të marrë përafërsisht 68,400 dollarë dhe vendi i dytë do të fitojë 36,500 dollarë.

Përveç Gukesh dhe Carlsen, një mori lojtarësh nga më të mirët në botë po konkurrojnë, duke përfshirë Alireza Firouzja, Anish Giri, Wesley So, Hikaru Nakamura dhe Fabiano Caruana.

Pas tre ndeshjeve të turneut zyrtar, Gukesh qëndron i katërti në renditje me një fitore, një humbje dhe një barazim.

Carlsen qëndron në vendin e tetë pa fitore pas dy barazime dhe një humbje. Caruana qëndron në krye të renditjes.

Javën e kaluar, Carlsen fitoi turneun e tij të parë që kur hoqi dorë nga titulli i kampionatit botëror që kishte mbajtur për një dekadë.