Presidenti ukrainas Volodymyr Zelensky thotë se Ukraina planifikon të rrisë eksportet e energjisë elektrike në Bashkimin Europian, e cila, për shkak të bllokadës së furnizimit të Rusisë, rrezikon të përballet me mungesa të mundshme të energjisë.
“Ne po përgatitemi të rrisim eksportet tona të energjisë elektrike për konsumatorët në Bashkimin Europian. Eksportet tona na lejojnë jo vetëm të fitojmë valutë të huaj, por edhe të ndihmojmë partnerët tanë që t’i rezistojnë presionit të energjisë ruse.
Rusia ka reduktuar ndjeshëm furnizimet me gaz në Europë përmes gazsjellësit Nord Stream 1, i cili përdoret pjesërisht për prodhimin e energjisë elektrike.
Zelensky tha se Ukraina e lidhi rrjetin e saj me sistemin europian pavarësisht luftës.
Ne gradualisht do ta bëjmë Ukrainën një nga garantuesit e sigurisë europiane të energjisë falë prodhimit tonë kombëtar të energjisë elektrike.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
