Marrëveshja e arritur mes Prishtinës dhe Beogradit i hap rrugën lëvizjes së lirë mes dy vendeve. Pasi u kapërcye ngërçi i reciprocitetit, falë dialogut të ndërmjetësuar nga BE, tashmë sipas kreut të diplomacisë europiane, Joseph Borrell, bisedimet duhet të fokusohen te çështja e targave.
“Jam i lumtur të njoftoj, se pas takimit të Brukselit dhe pas angazhimeve në Prishtinë e Beograd ditët e fundit kemi marrëveshje të lëvizjes së lirë mes presidentit, Aleksandër Vuçiq e kryeministrit Albin Kurti. Në dialogun e ndihmuar nga BE-ja, Serbia është pajtuar të heqë dokumentet hyrje/dalje për ata me ID të Kosovës e Kosova të mos prezantojë dokumente hyrje/dale për ata me ID të Serbisë. Serbët e Kosovës, e gjithë qytetarët do të jenë të gjendje të lëvizin lirshëm duke përdorur ID-të. BE-ja ka marrë garanci nga kryeministri Kurti për këtë. Jam shumë i lumtur që kemi gjetur zgjidhje evropiane, që ndihmon udhëtimin mes Kosovës e Serbisë. Është në interes të të gjithë qytetarëve të Kosovës e Serbisë. Dua të falënderojë dy liderët që e bënë këtë. E veçanërisht presidentin Vuçiq që ka treguar përgjegjësi e lidership sot”, ka thënë Borrell.
“Por kjo punë me lirinë e lëvizjes s’ka mbaruar. Ka disa probleme ende. Pres që dy liderët të tregojnë pragamtizëm e konstruktivitet, për të zgjidhur problemin me targa. Kam thënë shumë herë, në kohën e luftës në Ukrainë, me sfidat që BE-ja që po përballet, ne në Evropë nuk kemi nevojë për probleme, nuk kemi nevojë për tensione. Duhet zgjidhje, duhet zgjidhje për Ballkanin Perëndimor. Ka disa probleme që kanë mbetur, duhet të vazhdojmë të punojmë për të zgjidhur. Sot është ditë shumë e mirë”, ka përfunduar Borrell.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
