“Vajzat e mjegullës” frymëzuar nga “Kronikë në gur” e Kadaresë

Nga Jonida Hitoveizi “Vajzat e mjegullës” romani i Namik Dokles është frymëzuar nga Kronikë në gur e Kadaresë. Vet autori në një intervistë për Tema Tv i pyetur për ngjashmëritë që vërehen tek subjekti i romanit të tij pohon se “ka një strukturë të ngjashme dhe paralelizëm me Kronikë në gur”, teksa shton se ndihet me fat të jetë nxënës i shkollës së Kadaresë. Dokle më tej pohon se pasi të përfundojë këtë mandat si deputet i PS-së në parlament do t’i përkushtohet letërsisë me kohë të plotë. Ndërsa lidhur me subjektin e romanit të tij, i cili bazohet mbi ditarin e xhaxhit të tij, Dokle thotë se njeriu i thjeshtë është gjithnjë viktimë e atyre që bëjnë historinë.