Lideri çeçen Ramzan Kadyrov ka bërë një deklaratë të beftë, duke ngritur shumë pikëpyetje teksa në një video fliste se meritonte një pushim “të pacaktuar”, duke ndezur spekulime se çfarë do të ndodhë më pas.
Më konkretisht, Ramzan Kadyrov tha në një mesazh në Telegram se meriton të bëjë një pushim “të pacaktuar dhe të gjatë” nga posti i tij, duke nxitur spekulime se po mendon seriozisht të japë dorëheqjen ose t'i kërkojë Kremlinit diçka.
Kadyrov, 45 vjeç, ka qeverisur Çeçeninë që nga viti 2007 dhe është udhëheqësi më jetëgjatë i rajonit rus.
E kuptova se kam qenë ulur në vendin tim për një kohë të gjatë, lideri më jetëgjatë në federatën ruse. Unë mendoj se është koha që unë të jap dorëheqjen.
Mendoj se është koha ime para se të tjerët të më përzënë. Shpresoj të më mbështesni dhe të më kuptoni.
Ndërkohë, është e paqartë se çfarë do të bëjë më pas Kadyrov, i cili është një nga figurat më të fuqishme në Rusi, nëse largohet. Kadyrov ka marrëdhënie të ngushta me Presidentin rus Vladimir Putin. Për herë të fundit ata u takuan më 5 gusht në Socci.
Kadyrov ka bërë komente të ngjashme në të kaluarën për të qëndruar në detyrë, duke ngritur pikëpyetje nëse njoftimi i tij i befasishëm është një hile.
Kadyrov ka luajtur rol të rëndësishëm në promovimin e luftës së Rusisë në Ukrainë dhe ka rekrutuar luftëtarë për të luftuar përkrah trupave ruse, të cilët kanë pësuar humbje të mëdha në Ukrainë.
Nën sundimin e tij, rajoni është akuzuar për abuzime masive me të drejtat e njeriut, përfshirë kundër njerëzve të dyshuar për homoseksualizëm, ndërsa ai është akuzuar për urdhërimin e vrasjeve politike të kundërshtarëve që jetojnë në Europë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
