8 njerëz mbetën të vdekur të martën pas një sulmi me armë në tre qendra të ndryshme masazhesh (SPA) të ndodhura në Atlanta, SHBA. Gjashtë nga viktimat janë femra dhe me origjinë aziatike.
Një i dyshuar është arrestuar në lidhje me një nga sulmet, dhe policia e Atlantës tha se është shumë e mundur që ai të jetë gjithashtu i dyshuari për dy sulmet e tjera. I dyshuari është Robert Aaron Long, 21 vjeç.
Ngjarja e parë ndodhi në orën 17:00 (me orën lokale) një sulm u regjistrua në një qendër masazhesh aziatike në qarkun Cherokee, ku u vranë katër persona, dy prej të cilëve vdiqën pasi u transportuan në spital. Një i pestë mbeti i plagosur.
Rreth 50 minuta më vonë, tre njerëz u gjetën të vrarë në Gold Spa në rrugën Piemonte në Atlanta. Ndërsa oficerët po i përgjigjeshin skenës së dytë të krimit, morën një thirrje tjetër për një sulm me armë përtej rrugës në një tjetër Spa, ku u gjet një viktimë.
Policia e Atlantës tha që të katër viktimat nga të shtënat në rrugën Piemonte ishin femra dhe me origjinë aziatike. Më pas për mediat u konfirmua se katër viktimat në Atlanta ishin me origjinë koreane.
Në një deklaratë të martën në mbrëmje, policia e Atlantës tha se pamjet e kamerave të sigurisë arritën që të zbulonin makinën e të dyshuarit, i cili u arrestua pas një ndjekjeje. I arrestuari nuk bëri rezistencë, ndërkohë që ende nuk dihen arsyet që mund të kenë çuar të riun të kryejë këtë krim.
Kujtojmë se së fundmi ka nisur një fushatë kundër diskriminimit, dhunimit apo krimit ndaj aziatikëve në SHBA.
Burimi: CBSNews
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
