Avionët e luftës kanë goditur pozicionet e milicive të mbështetur nga Irani pranë kufirit të Sirisë me Irakun, thonë aktivistët.
Të paktën 18 militantë janë vrarë nga sulmet ajrore që kishin cak forcat e përkrahura nga Irani dhe grupet aleate të tyre. Lajmin e bëri të ditur një grup monitorues i luftës.
Monitoruesi Sirian për të Drejtat e Njeriut me bazë në Britani njoftoi të hënën se sulmet ajrore nga aeroplanë të paidentifikuar ndodhën në rajonin Al-Bukamal, afër kufirit me Irakun.
Kjo organizatë tha se cak i sulmeve ishin pikat e kontrollit, automjetet ushtarake dhe depot ushtarake, me ç’rast janë shkaktuar dëme të mëdha materiale.
Nuk ishte e qartë se kush i kreu sulmet brenda natës brenda dhe rreth qytetit të Albu Kamal.
Por Izraeli ka kryer qindra sulme ndaj objektivave të lidhura me Iranin në Siri gjatë luftës civile të vendit.
Ajo ka kërkuar të shkatërrojë atë që e quan "ngatërrim ushtarak" të Iranit në Siri dhe dërgesa të armëve iraniane për grupet militante të tilla si Hezbollah në Liban, raporton BBC.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
