ECO Tirana sha. ka shpallur fituese të tenderit me objekt “Furnizim me karburant për Eco Tirana sh.a”, bashkimin e shoqërive Mend Oli shpk dhe Kastrati shpk me fond limit 1.5 miliardë lekë dhe vlerë kontrate po 1.5 miliardë lekë, pra sa 100% e vlerës së fondit limit.
Në garë ka marrë pjesë edhe operatori Resuli-ER shpk me ofertë 0 lekë, pra pa ofertë ekonomike. E njëjta skemë ka ndodhur me këtë operator edhe gjatë viteve 2020 dhe 2021,ku ka hyrë në tendera fiktivisht, pra pa ofertë ekonomike.
Në 4 vitet e fundit, bashkimi i shoqërive Mend Oil shpk dhe Kastrati shpk ka përfituar nga ECO Tirana sha, një vlerë total prej 3.67 miliardë lekë si operator i vetëm në garë pra pa garë dhe me ofertë sa 100% e vlerës së fondit limit, ndërkohë që vlera e fondit limit nga 370 milionë lekë në vitin 2020 është tejfryrë në 1.5 miliardë lekë në vitin 2023 ose 4-fish më shumë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
