Regjisori Edmond Budina i është drejtuar kryeministrit Rama me një kërkesë për të bërë një shfaqje në truallin e Teatrit Kombëtar të shembur. Budina tha se ka gati shfaqjen “Profeti i kokoshkave”, për të cilën kërkon lejen e kreut të qeverisë që të luhet në truallin e teatrit, si hapësirë lirie.
“Është e pavërtetë që protestuesit e kishin zaptuar teatrin, hynë për ta mbrojtur e pastruar, zhvilluan aktivitete, pa asnjë lekë veç me kontribut vullnetar, ndërkohë që shteti preu dritat dhe ujin. Shqyerja që i bëtë teatrove më 17 maj dhe me protestuesit lemerisën mbarë opinionin publik. Po i drejtohem kryeministrit dhe po i them: Meqë je pronar i hapësirave politike, më lejo të jap shfaqje në truallin e teatrit si një hapësirë lirie”, tha ai.
Budina shprehet se shfaqja do jetë në përputhje me rregullat për parandalimin e COVID-19.
“Ky është vendi i shenjtë ku është luajtur teatër gjithë kohën, pikërisht për këtë arsye mendoj që këtu duhet të luhet teatër. Ne nuk jemi për dhunë, por për art”, tha ai.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
