Një punonjëse e policisë është pezulluar nga detyra për falsifikim të formularit të dekriminalizimit.
M.D., n/komisare M.D me detyrë Specialiste Informacionirezulton e dënuar me 18 muaj burg për veprën penale “Shpërdorim detyre”, gjë të cilën nuk e kishte deklaruar në formularin e dekriminalizimit për punonjësit e shtetit, duke shënuar në formular si e padënuar.
Prokuroria ka kërkuar pranë Gjykatës së Shkallës së Parë Tiranë, caktimin e masës së sigurimit personal për punonjësen e Policisë.
Gjykata në bazë të këtyre të dhënave ka vendosur caktimin e masave shtrënguese “Mosushtrim i detyrës” dhe “Detyrim paraqitjeje pranë Policisë Gjyqësore” për shtetasen në fjalë.
Kjo masë është marrë nën akuzën për veprën penale të “Falsifikimin e vulave, stampave dhe formularëve zyrtarë”, e parashikuar nga neni 190/1.a i Kodit Penal.
(Fotoja është ilustruese)
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
