Redaksia e lajmeve në MCN TV, që në nismë të fillimit të votimeve të sotme parlamentare, ka nisur misionin e saj për raportim korrekt dhe të paanshëm të ngjarjeve të ditës, për të qenë në anën e dëgjuesve dhe lexuesvë në ditën e zgjedhjeve.
Kryeradaktori Leonard Mitro, përmes analizës së tij në pasqyrimin e ngjarjeve politike dhe jo vetëm, po pasqyron te shikuesit rrjedhshmërinë e situatës politike deri te votimet e ditës së sotme, me mesazhin që votuesit ti drejtohet kutive të votimit në masë të madhe për të dhënë verdiktin e tyre për fituesit e mundshëm të këtyre zgjedhjeve. Mitro gjithashtu tha se 25 prilli është një dilemë për të zgjedhur mes një qeverie të korruptuar dhe një opozite të keqe.
Redaksia e lajmeve do të jetë sot pasqyra korrekte e raportimeve nga terreni në qendrat krysore të vendit dhe në Tiranë, për të transmetuar te shikuesit dhe lexuesit e saj, raportime në kohë reale të ngjarjeve ditore nga procesi i votimit në qendrat votuese në vend.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
