Një 23-vjeçare italiane po mbahet nën vëzhgim në spital pasi ka marrë aksidentalisht gjashtë doza të vaksinës Pfizer-BioNTech kundër COVID-19.
Mediat italiane thanë se 23-vjeçarja u vu nën vëzhgim në Massa në Toskanën qendrore pas gabimit.
Një infermiere injektoi gabimisht në krahun e saj një shishe të tërë të vaksinës, në vend të një doze të vetme.
Deri tani gjendja e saj është paraqitur e mirë dhe I është dhënë lëngje dhe paracetamol.
Në një njoftim për shtyp Ospedale Apuane në Massa konfirmoi po ashtu lajmin se një 23-vjeçare "ishte inokuluar me një shishkë të tërë vaksine".
Studimet për të testuar mbidozat e vaksinës Pfizer kanë qenë të kufizuara deri në vetëm katër doza.
Mbidoza vaksinimi Pfizer-BioNTech janë raportuar më parë në Gjermani, Australi dhe Shtetet e Bashkuara.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
