Rishi Sunak dhe Benjamin Netanyahu pas takimit me dyer të mbyllura po mbajnë një konferencë për shtyp në Jerusalem.
Netanyahu e cilësoi konfliktin si një përballje midis së mirës dhe së keqes, modernitetit dhe barbarizmit, duke thënë se si Izraeli ashtu edhe bota po përballeshin me "Kohën e tyre më të errët".
Kjo është një betejë e qytetërimit perëndimor, beteja e botës së lirë, beteja për të ardhmen. Këtu kemi dy forca. Njëri është një bosht i së keqes, i udhëhequr nga Irani përmes Hezbollahut, Hamasit dhe të tjerëve, që duan ta rikthejnë Lindjen e Mesme në Mesjetë, në një epokë robërie dhe lufte, skllavërie dhe asgjësimi. Dhe forcat e tjera, forcat e progresit dhe njerëzimit që duan ta shtyjnë Lindjen e Mesme në një botë paqeje dhe prosperiteti. Ne jemi në prag të zgjerimit të kësaj paqeje dhe shkatërrimi i kësaj lëvizje ishte një nga arsyet pse u ndërmor ky veprim. Ne duhet t'i rezistojmë dhe duhet të fitojmë. Mbi të gjitha, ne duhet të fitojmë. Ne duhet të lirojmë pengjet.
Kryeministri izraelit tha se lufta do të jetë e gjatë, duke shtuar se megjithëse do të kishte "ngritje dhe ulje", populli i Izraelit nuk kishte qenë kurrë më i bashkuar.
Ai e përshkroi Hamasin dhe aleatët e tij si “barbarë modernë; përbindëshat më të këqij në planet”.
Nga ana e tij Sunak tha se Izraeli kishte kaluar diçka që “asnjë vend; asnjë popull nuk duhet të durojë, më së paku Izraeli”.
Ai tha gjithashtu se Britania e Madhe mbështet të drejtën e Izraelit për të mbrojtur veten "në përputhje me ligjin ndërkombëtar", për të ndjekur Hamasin dhe për të rikthyer pengjet.
Duke iu referuar shqetësimeve për reagimin e Izraelit ndaj sulmeve të Hamasit, Sunak shtoi:
‘Tani e di që po merrni çdo masë paraprake për të shmangur dëmtimin e civilëve, në kontrast të drejtpërdrejtë me terroristët e Hamasit, të cilët duket se i vënë në rrezik civilët.
Kryeministri britanik falënderoi Netanyahun për mbështetjen e tij për shtetasit britanikë të “kapur në këtë tmerr”, përfshirë pengjet.
Jam krenar që qëndroj këtu me ju në orën më të errët të Izraelit, si miku juaj. Ne do të qëndrojmë me ju në solidaritet, ne do të qëndrojmë me njerëzit tuaj. Dhe ne gjithashtu duam që ju të fiton
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
