Autoritetet amerikane kanë shpallur gjendjen e jashtëzakonshme në shtatë shtete të vendit për shkak të stuhisë së borës Blair, e cila tashmë ka shkaktuar ndërprerje të qarkullimit në Midëest dhe përgjatë Bregut Lindor, si dhe anulimin e qindra fluturimeve. Mijëra fluturime të tjera janë vonuar, ndërsa shumë shkolla dhe zyra qeveritare janë mbyllur.
Gjatë natës, shërbimet e urgjencës në Wyoming njoftuan se një skiator kishte vdekur pasi u godit nga një ortek.
Deri më tani, shtetet që kanë shpallur emergjencë janë Kansasi (më i godituri) Misuri, Kentaki, Virxhinia, Virxhinia Perëndimore, Arkansas dhe një pjesë e Nju Xhersit.
Sipas Mattheë Cappucci, meteorolog për aplikacionin MyRadar, Kansas City është goditur nga reshjet më të mëdha të borës në 32 vjet, me 30-40 cm borë.
Më tej, sipas parashikimeve, temperaturat do të ulen në ditët në vijim, në disa raste do të kapin vlerat deri në -10 dhe -15 gradë Celsius.
Autoritet në Kansas i kanë bërë thirrje qytetarëve të mos largohen nga shtëpitë e tyre.
Ndërsa stuhia lëviz drejt lindjes, qytete si Uashingtoni DC dhe Filadelfia përgatiten për më të keqen.
Kryebashkiaku i Filadelfias njoftoi se shkollat publike dhe zyrat qeveritare do të qëndrojnë të mbyllura sot për shkak të stuhisë
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
