Të tjera incidente vijojnë të raportohen mbrëmjen e së martës në kryeqytet, ku qindra tifozë kanë dalë në vende të ndryshme duke festuar nën konsumimin e pijeve alkolike.
Si pasojë e konsumimit të tepërt të alkolit, duket se kanë sjellë edhe përplasje me qytetarë apo punonjës të policisë.
Sipas informacioneve paraprake, mësohet se pak minuta më parë rreth 200 tifozë holandezë me shkopinj e gurë në duar, janë konfliktuar me policinë në rrugën “Mustafa Matohiti”, në zonën pas Piramidës.
Paraprakisht raportohet për një efektiv policie të dëmtuar. Mësohet se policia i ndaloi tifozët dhe i ktheu pas. Ata ishin nisur drejt stadiumit “Air Albania”, aty ku ndodhen tifozët e Romës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
