Elon Musk nis drejt hapësirës kapsulën SpaceX Crew Dragon. Me katër astronautë në bord, kapsula u nis nga Kepi Canaveral drejt Stacionit Ndërkombëtar të Hapësirës.
Ky është misioni i parë operativ i NASA-s, pas testit historik majin e kaluar që çoi në Stacionin Ndërkombëtar të Hapësirës dy kozmonautë, duke u dhënë përsëri Shteteve të Bashkuara mundësinë e lëshimit të një anije kozmike nga toka amerikane me një raketë të bërë në SHBA, nëntë vjet më vonë pas Space Shuttle.
Në bordin e kapsulës ishin tre amerikanë të NASA-s, Komandanti Michael Hopkins, piloti Victor Glover dhe specialisti i misionit Shannon Walker dhe një astronaut i Agjencisë Hapësinore Japoneze (Jaxa), Soichi Noguchi.
4 astronautët do të qëndrojnë në Stacionin Ndërkombëtar Hapësinor për gjashtë muaj, gjatë të cilave ata do të kryejnë eksperimente të ndryshme shkencore.
Joe Biden përgëzoi NASA dhe SpaceX. "Është dëshmi e fuqisë së shkencës dhe asaj që ne mund të arrijmë duke shfrytëzuar inovacionin, zgjuarsinë dhe vendosmërinë tonë", shkroi ai, duke iu bashkuar "të gjithë amerikanëve dhe popullit japonez duke iu uruar fat astronautëve në udhëtimin e tyre".
"Një lëshim i madh! NASA ishte afër katastrofës kur morëm kontrollin e saj. Tani ajo është përsëri qendra hapësinore më" tërheqëse "dhe e përparuar në botë", shkroi presidenti Donald Trump.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
