Me protestën dhe shqetësimet e fermerëve e ka nisur fjalën e tij në Kuvend kreu i PD Lulzim Basha. Duke mbështetur protestën Basha tha se fermerët kanë të drejtë sepse sipas tij buxheti për bujqësinë është më i ulët se në vitin e kaluar.
Më tej teksa ka komentuar takimin e fermerëve me kryeministrin Rama ia e ka cuilësuar si një teatër që të ngjall krupën.
Sipas Bashës, buxheti për bujqësinë është më i ulëti dhe se po goditet prodhimi vendas e po favorizohen 'oligarkët e eksporteve'.
Ndërsa këtu pseudo-maxhoranca bëhet gati të votojë sy mbyllur për mënyrën se si do të shpenzohen taksat e qytetarëve vitin e ardhshëm dhe ato në vijim, përfaqësuesit e fermerëve që përfaqësojnë 40% të të punësuarve në Shqipëri, kanë harxhuar para nga xhepat e tyre për të udhëtuar drejt Tiranës, që t’u dëgjohet zëri.
Janë njerëz që vetëm japin, vetëm kontribuojnë, dhe në këmbim nuk marrin asgjë, krahasuar me kolegët e tyre në rajon, pa përfshirë fare Europën. Ata protestojnë sot, siç kanë protestuar me të drejtë çdo vit, që mos të gjenden përballë rrugës së vetme ku i çoni me shpërfilljen tuaj, te flakja e produkteve dhe largimi nga Shqipëria.
Protestojnë sepse përveç rritjes së çmimeve të inputeve bujqësore që po e ndjejnë në xhepat e tyre, do të përballen edhe me rritjen shtesë me 10 % të çmimit, meqenëse ju vendosët të shtoni me 10% TVSH-në, e po ashtu po hiqni 6% e TVSH-së së kreditueshme. Protestojnë sepse në vend të mbështesni prodhimin vendas, po e godisni në të gjitha hallkat e zinxhirit të ekonomisë së ushqimit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
