Sesioni i ri parlamentar pritet të nisë me protesta. Dita e mbledhjes së Parlamentit për sesionin e ri do të sjellë edhe protestën e parë të PD-së, raporton ORA.
Vendimi për këtë pritet të merret në fillim të javës, kur do të mblidhet dhe grupi parlamentar.
Pavarësisht se nuk është e qartë nëse, nëpërmjet protestës, demokratët do të synojë të bllokojë seancën parlamentare, sipas burimeve të cituara nga ORA, synim mbetet bërja e pamundur e votimit të Gramoz Ruçit në krye të Kuvendit dhe të Fatmir Xhafajt, si ministër i Brendshëm.
Seanca e parë parlamentare për konstituimin e qeverisë së re nuk do të jetë e qetë, pasi deputetët demokrat do të kërkojnë më ngulm që të mbajnë fjalime të cilat do të shënjestrojnë me akuza kryesisht Gramoz Ruçin dhe Fatmir Xhafën.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
