Franca, Italia dhe Gjermania po përgatisin një seri masash që kanë për qëllim të ndalojnë përdorimin e kriptomonedhës së Facebook-ut në Europë.
Këtë e la të kuptohet dje ministri francez, Bruno Le Maire, i cili renditi disa ndikime negative që Libra mund të ketë në Europë.
Ministri francez i Ekonomisë përmendi "disa iniciativa" që do të bëhen publike së shpejti dhe që janë dakordësuar edhe me homologun gjerman, Olaf Scholz, dhe atë italian, Roberto Gualtieri. Objektivi është "të bëhet e qartë se Libra nuk është e mirëpritur në Europë, pasi është në lojë sovraniteti ynë", siç deklaroi Le Maire në prag të mbledhjes së FMN-së dhe Bankës Botërore në Uashington.
Ministri gjerman, Olaf Scholz, e mbështet këtë ide, duke u shprehur "shumë skeptik" për Libra-n.
"Jam kundër instalimit të një monedhe të tillë botërore sepse kjo është detyrë e shteteve demokratike", ka komentuar ai.
G7, grupi i 7 vendeve më të industrializuara (Gjermani, Kanada, SHBA, France, Britani, Itali dhe Japoni) kishin rënë dakord tashmë se kushti sine qua non për lançimin e kriptomonedhave të qëndrueshme, si Libra, ishte hartimi i një kuadri ligjor.
Nga ana e tyre, ministrat e Financave të G20-s kërkuan "vlerësimin" dhe adresimin e "rreziqeve që mund të paraqesin monedhat e qëndrueshme dixhitale" përpara se ato të lançohen për përdorim.
MCN Radio
103.1 FM
MCN Radio
103.1 FM
Intro
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
