Në protestën sotme të opozitës pati një tensionim të situatës pasi qytetarët hodhën në drejtim të policisë lëndë plasëse dhe flakadanë dhe më pas u munduan që të çanin kordonin policorë për të depërtuar në drejtim të hyrjes së Kuvendit.
Nga ana tjetër, forcat e rendit për të shpërndarë turmën kanë hedhur gaz duke i detyruar këta të fundit që të zbrapsen.
Por ky veprim i policisë duke se i ka irrituar protestuesit që kërkojnë t'u kundërpërgjigjen duke i gjuajtur me sende të forta.
Këta protestues janë ndalur nga deputeti i PD, Ervin Salianji, i cili shpeshherë i është drejtuar protestuesve që të qetësohen dhe mos të hedhin sende të forta në drejtim të forcave të rendit.
Në videon e siguruar nga Tema Tv, deputeti demokrat dëgjohet kur u thërret protestuesve dhe disa djemve që të mos qëllojnë dhe shpeshherë është munduar të qetësojë situatën e tensionuar.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
