Kërkesa e Ukrainës për anëtarësim në Bashkimin Evropian do të diskutohet në ditët e ardhshme, tha sot presidenti i Këshillit Evropian Charles Michel në një postim në "Twitter".
"BE qëndron fort në krah të Ukrainës në përpjekjet për të lehtësuar vuajtjet humanitare të shkaktuara nga agresioni rus dhe për të garantuar sigurinë bërthamore”, shtoi Michel.
“Solidariteti, miqësia dhe ndihma e paprecedentë e BE-së për Ukrainën janë të palëkundura”, tha ai.
Ndërkohë presidenti i Ukrainës Volodymyr Zelensky dha një mesazh në “Twitter” lidhur me bisedën me Michel.
Diskutuam kërcënimin ndaj objekteve bërthamore, sulmin me granata ndaj infrastrukturës civile dhe kritike. Ne duhet ta ndalojmë këtë. Ngriti çështjen e anëtarësimit të Ukrainës në BE. Populli i Ukrainës e meriton këtë. Ndaloni Rusinë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
