Kosova, pjesë e fushatës zgjedhore të Vuçiçit

Kosova është një ndër temat me të cilën kryeministri serb, Aleksandar Vuçiç, bën fushatë në përpjekjen e tij për t’u zgjedhur president i Serbisë.

Madje, Vuçiç është zotuar, të enjten, se në kuadër të fushatës së tij zgjedhore do të qëndrojë edhe në Kosovë.

Siç raporton agjencia e lajmeve FoNet, në një paraqitje publike në Vranjë, i pyetur nga gazetarët, Vuçiç ka thënë se gjatë fushatës zgjedhore për president të Serbisë ai do të qëndrojë edhe në Kosovë, ku ai shpreson se “do të fitojë përkrahjen e popullit serb prej së paku 70 për qind”, përcjell Koha Ditore.

“Çfarë fushate është kjo nëse nuk shkoj në Kosovë?”, tha Vuçiç para gazetarëve në Vranjë.