Zhvillimet e orëve të fundit në PD, për ish-nënkryetaren e PD-së, Jozefina Topallin, janë të vonuara.
Në studion e lajmeve në MCN TV, Topalli ka thënë se kjo lëvizje tektonike ka shkundur të gjithë dhe ka habitur të majtë e te djathtë dhe si e tillë përgjegjësinë e ka personi që partinë sipas saj e konsideroj si pronë të tij.
“Ngjarje e paprecedentë ishte ajo e datës 11, kur të gjithë mbushën stadiumin siç nuk ka ndodhur më parë, në tre dekadat e fundit me një vullnet kaq të fortë, për ti thënë stop një periudhe degradimi të partisë për ta kthyer në ditët më të mira.
Për mua ishte lëvizja e vonuar, e rëndësishme se lëvizja ishte tektonike, ka shkundur të gjithë, ka habitur të majte e të djathtë brenda dhe jashtë kufijve të vendit, në thelbin e saj është demokracia, kurse produkt i saj është shkarkimi i Bashës.
Sipas Topallit, përgjegjësi kryesor është njeriu që sipas saj, ka dështuar për gjithë këto vite, duke minuar demokracinë brenda një partie, e cila vetëm emrin kishte PD, por i mungonte demokracia brenda saj.
“Unë mendoj se përgjegjësinë kryesore më të madhe e ka personi i cili thjesht ka dështuar për faktin se ka minuar një demokraci brenda PD, duke i hequr thelbin, demokracinë brenda saj, dhe së dyti, shiti atë për interesa personale e pasurore. Në thelb është mea-culpa, sic thotë Berisha, pore dhe një angazhim për ta rikthyer PD në pati demokratike, sepse mbante vetëm emrin dhe nuk kishte demokratiken.
Parashikohet rikthimi i votës, i forumeve, edhe pastaj kthimi ne një opozitë reale, sepse duhet sjellë qeverisjen që është alternativë e saj.
Sipas Topallit, sjellja e Bashës është një sjellje “staliniste”, dhe koncepti i tij se PD është pronë e ti, siç janë vula, brava, e selia e partisë, janë mëse qesharake
“Unë jam dakord që shumica e shqiptarëve nuk e kuptojnë këtë situatë, një njeri që është shkarkuar nga mbështetësit e tij, por nga njëra anë, një shfaqje qesharake e e tij, një sjellje “staliniste”, koncepti i tij që partinë e konsideron si bravë apo vulë, është qesharake. Përjashtimi që i bën ish-kolegëve të tij, është thelbi i qenies si individ, është dështim, kurse në rrafshin njerëzor është për të pasur kujdes, sepse është në gjendje të bëj çdo gjë”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
