Presidenti turk Rexhep Tajip Erdogan do të fluturojë nesër për në qytetin ukrainas të Lviv ku do të takohet me Presidentin ukrainas Volodimir Zelensky dhe Sekretarin e Përgjithshëm të Kombeve të Bashkuara Antonio Guterres.
Gjatë takimit do të diskutohet edhe situata e termocentralit bërthamor Zaporizhzhia, nën kontrollin rus, por funksional falë punës së teknikëve ukrainas.
OKB-ja këmbëngul për dërgimin e inspektorëve nga agjencia Aiea, përmes kryeqytetit ukrainas Kiev, por Moska nuk ka garantuar sigurinë e kalimit të inspektorëve përmes territorit ukrainas.
Më vonë Guterres dhe Erdogan do të udhëtojnë për në Stamboll, ku do të vizitojnë Qendrën e Përbashkët Koordinuese e cila jep udhëzime, gjurmon rrugën dhe kryen inspektime të anijeve që hyjnë dhe dalin nga portet e Ukrainës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
